سجل حضورك باحلى بيت شعر تعرفه

الموضوع واضح من عنوانه

كل واحديسجل حضوره باحلى بيت شعر حفظه


واتمنى ان تكون الابيات لا تمس الدين او الجنسيه او اي شي يسىء الى اي شخص


وانا اول واحد ابدا:.

أبي ابكي من الضيقة وابعزف للهمـوم ألحـان





أبي اطلق مواويل الحـزن واطـرح دواوينـي





أبي أشكي أبي احكي ابوصف للبشـر حرمـان



أبيهم كلهـم يـدرون أبيهـم يشعـروا فينـي


تحياتي

AboOodY99

تسلم نايس نايس

"مليت جرحك وتبريرك وموالك
تخطي وترجع تعتذر الأجل ترضيني"


"إن كان جرح القلوب البيض يهنالك
يموت حبك ولا تنزف شراييني "


"يموت قلبي ضما وأموت أنا هالك
ولا اشرب الذل بيدينك وتسقيني"


"غرورك أعماك تحلم تبني آمالك
نهايتك جت بيدك قبل تنهيني"


"والله لاانت ولاعشره من امثالك
تخضع له النفس ويفكر يمشيني"


"اول معك كنت وافي واعشق ضلالك
ياما نصحتك ولكن ما سمعتيني"


"اليوم ماهمني لوكنت في بالك
ماني بظالم ولكنك ظلمتيني"


"في واقع الأمر ماني بااصغر عيالك
رباني الوقت لاتحلم تربيني"



"غلاك مات ابتعد وافراقك اشوالك
لاترتجي الدمع واحذر لاتعزيني"


"ماينزل الدمع لاامثالك ولشكالك
اصلا من تكون حتى تفقدك عيني"


"نهايتك ترجمة لك واقع افعالك
تعبت اوضح ولكن مافهمتيني"


"لاعاد تحلم يجي رقمي بجوالك
والله مااخضع ولو ترقص شياطيني"


"ابي اتركك للندم وافكار عذالك
ماهمني عاذلك وانتي خسرتيني"


"خسرت نفسك ومضنونك وتمثالك
خسارتك للاسف ماعاد تعنيني"


"خلاص ابي ارتاح غادر والسعد فالك

هع بس اقبل مروري

تسلم الايادي



لولا البكا ماينشرح خاطر ولاينزاح ويل
خل الكدر يطفي سعير الليلــتين اللي خلت
.
دام العيون اليا اهملت تشفي القليل من الغليل
الله يبارك بالعيون اللي ليا ضقت اهملت
.
دمعة قهر تثبت لي ان اللي يحبوني قلـــيل
ولاضحكه بوجيه ناس لي تضايقت انكــلت
.
البارحه يوم الهموم تحط بالصدر وتشيل
والشاهد الله ماحبــست بمحجري دمع وفلت
.
الدمعه اللي ماتهز صدور ربعــــي لاتسيل!!
اكنــها مثل الجمر ولايقولون انزلت
.
اللي وهو مافزلي كنه محملني جميل
اجيه برجولي عشان اشكي له الحال ؟ اكملت
.
ماكل من شافك قوي يفــرح ليا جيته ذليل
الناس لي من حست بضعف الشجاع استذلت
.
بعيونهم ببقى مثل ماللهبوب من النخيل
على كثر ماضامها صفق اللواهيب اعتـــلت
.
وشلون احس ان العذاب اللي على متني ثقـــيل
وانا ادري ان اللي تصبرني على الحزن وصلت
.
معشوقتي لاضاق صدري من ليالي الحزن ليل
ياكـــثر ماشربت معي من علقم الحزن وكلت
.
معشوقتي ما للفرح برجوعها يمي سبيل
الا مثل ما للربيع من الزهور ليا ذبلت
.
معشوقتي من عمر جيل ومدرسة مليون جيل
معشوقتي ورث السنين اللي تجلت وانجلت
.
اللي على كثر المصايب كل مافيها جميل
الناس لي كبرت تشين وذيك لي كبرت حلت
.
لامن تثــنت للهبوب تمــيّل اللي مايميل
وان مالت عقول الخفاف من الرياجيل اثقلت
.
كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت
.
تقبل على لون المسا لاجات مفتوله جديل
غصبن عن عيون النسا مايرمشن اليا قبلت
.
عشقتها لاني من اللي يعشقون المستحيل
صدقتها لانها لي قالت القول : افعلت
.
الترفه اللي تنطح الفريّــس وتفك الدخيل
ما الرجال اللي تحملني مثل ماستحملت
.
لو كل خلق الله ملو ماتمل وماتميل
لان الرجال بهالزمن قلو هذيك استرجلت
.
ان كان وقفتهم معي من باب مايخدم بخيل !!
هذيك ما وقفت جنبي .. هذيك هي تبهذلت
.
خانوا وهي ماهونت عالو وعيت لاتعيل
تبدلتت كل الوجوه وذيك ماتبدلت
.
لانه ليا عز الرجا ما للخليل الا الخليل
مااذكر قرت في محجري قصة عن الحزن وسلت
.
كل الذي يجري معي يجري مع الطرف الكحيل
اليا رضيت ترضى عشاني وان تزعلت زعلت
.
تدوي بخفاقي دوي لين احيت الحلم القتيل
عشق بدويه لبدوي لاجت على البذل ابذلت
.
معها عرفت اني قوي حتى وانا مافي حيل
واعدها بمية خوي كان الهموم استفحلت
.
دام الشدايد تكشف بصاحبك معدنه الاصيل
ليت السنين اللي حدتني على الضياع استعجلت
.
الشدخ اللي تثبت ان اللي يحبوني قليل
ولا ضحكه بوجيه ناس لي تضايقت وانكلت
.
بنت ليا منك وقعت تشيلك من القاع شيل
ابرك من وجيه الرجال اللي ليا طحت جفلت
اقبل مروري

بس ممكن اعرف من انت يعني اذا مافي مشكلة

ولد خالي